胡爐 (已結業)

今晚约左朋友食呢间都有一段时间无食过，但系我觉得绝对系香港其实一间最高质既火锅店，我book位果阵都好期待，果然水准都仲keep到咁好，果然无令我失望。呢间火锅店个重点，我觉得系个汤底。今晚叫左招牌鲜椰青鸡锅，首先真系好足料，最正既系餐厅会轻轻煮下d鸡，再落新鲜椰青水再加汤煲，滚起就可以当汤咁饮，浓浓既鸡味再加上椰子香味出哂黎，呢个味道就算个锅滚左两个钟都仲keep到，之后落既牛肉，菜，响铃等都劲入味，完全可以将食物既味道提升，真系无得顶。食物方面其实都劲高质，首先有样惊喜既系原来而家星期日至四唔计公众假期，用Openrice book或者打电话book位会送青龙龙虾，仲要好新鲜又劲大只，劲正！今晚叫左好多野食，即炸鱼皮就咁食又香口又脆，轻轻放落汤底再食又有另一番风味，食得食唔到口。五宝丸各有特色，个人特色中意黑松露墨鱼丸，好浓味好正。牛拼盘真系重点推介必叫，总共有五款唔同既牛肉，牛味劲重又juicy既牛颈脊，牛舌芯好有口感，牛胸爽油脂味好重，一试难忘。蔬菜拼盘估唔到都好新鲜，菜都特别甜过人。最后食埋紫菜炸响铃，尽吸汤底既精华，实在完美。