影片
更多
2015-12-13
301 浏览
与旧老友聚旧，问老友有无餐厅推介，老友家住上环，话食过呢间印象唔错。抱住老友唔会害我既信念，决定比个机会呢间韩国餐厅！喜爱夜间上环既幽静，只系夜晚八点半，街上行人已渐见疏落，同日间喧闹成鲜明对比，离开地铁站漫步系宽敞既街道上，唔使五分钟就到餐厅。虽然系星期日，餐厅人流都唔算少，不过始终上环周日唔算热闹，所以唔使等位。餐厅系装修带街头风既简约感，感觉上系愿意走出传统框框，炮制破格菜式既韩国餐厅。菜单选择唔算好多，不过各类型既菜式都有。先点一个韩国菜最好既朋友，减肥最大既敌人，非常邪恶但又非常诱惑既炸鸡。呢个甜筒炸鸡 ($88)炸得非常香脆，特别既地方系炸鸡面有一层忌廉，更特别系炸鸡底铺有一层蕃薯泥。身为一个炸鸡同蕃薯既爱好者，我真系觉得霎时感动，原来中文老师一直都教错左，鱼与熊掌系可以兼得既。随炸鸡奉客既仲有蛋黄酱。虽然咁讲好似好老土，不过炸鸡的确系外脆内嫩，薄薄既一层表皮香脆，包覆住里面依然香嫩多汁既鸡肉，口感一流。鸡既香味，同蛋黄酱、忌廉、蕃薯泥既味混合，带有复杂既层次，但神奇地无违和感，味道上既平衡交足功课。再叫左一个芝士玉子卷 ($ 68)做小食。其实系一个芝士奄列，卖相诱人，表
喜爱夜间上环既幽静，只系夜晚八点半，街上行人已渐见疏落，同日间喧闹成鲜明对比，离开地铁站漫步系宽敞既街道上，唔使五分钟就到餐厅。虽然系星期日，餐厅人流都唔算少，不过始终上环周日唔算热闹，所以唔使等位。餐厅系装修带街头风既简约感，感觉上系愿意走出传统框框，炮制破格菜式既韩国餐厅。菜单选择唔算好多，不过各类型既菜式都有。
先点一个韩国菜最好既朋友，减肥最大既敌人，非常邪恶但又非常诱惑既炸鸡。呢个甜筒炸鸡 ($88)炸得非常香脆，特别既地方系炸鸡面有一层忌廉，更特别系炸鸡底铺有一层蕃薯泥。身为一个炸鸡同蕃薯既爱好者，我真系觉得霎时感动，原来中文老师一直都教错左，鱼与熊掌系可以兼得既。随炸鸡奉客既仲有蛋黄酱。虽然咁讲好似好老土，不过炸鸡的确系外脆内嫩，薄薄既一层表皮香脆，包覆住里面依然香嫩多汁既鸡肉，口感一流。鸡既香味，同蛋黄酱、忌廉、蕃薯泥既味混合，带有复杂既层次，但神奇地无违和感，味道上既平衡交足功课。
再叫左一个芝士玉子卷 ($ 68)做小食。其实系一个芝士奄列，卖相诱人，表面煎得稍焦，面头就挤左一整条既忌廉，再加茄酱调味。好野紧系要趁热食，一切开玉子，惹人垂涎既车打芝士就以半溶既终极形态缓缓流出，令到成个菜式既罪恶程度上升到一个whole new level！味道果然唔错，难怪为犯罪提供足够诱因，餐厅唔少食客同我一样豁出去点左呢个小(?)食。不过少少既complaint系玉子卷有少少过咸，但整体黎讲都令我同老友都一致赞好。
多士夹烟肉你就见过，烟肉夹多士你又见过未？呢个爆芝烟肉 ($78)完美示范烟肉既逆袭，最爱佢浮夸又抵死既造形，一块又一块既烟肉包住里面既多士，同巨量既芝士。呢三者基本上系一个必胜既组合，烟肉煎得到位，干身唔油腻，邪恶既芝士叫我又爱又恨，再加上一块烘得两边平均，既薄且脆既多士，味蕾同减肥既宣言同时失守，用几分钟就将成个爆芝烟肉狠狠咁消灭。
酱烧芝士排骨 ($148)系我到韩式炸鸡餐厅既另一个必点之选。不过今次我就就稍有失色，排骨调味太重手，腌得过咸，食既时候我甚至有一秒怀疑自己系咪食紧烧肉。芝士量虽多，但都弥补唔到排骨系味道上既败笔，衷心希望老细可以花时间改良一下。
铁锤芝士烟肉通粉 $108铁锤系列似乎系餐厅既招牌特色，系通粉或意粉上面加一层圆拱形既酥皮，好似天幕罩住里面通粉，。食既时候侧边另上既铁锤将酥皮敲碎，再混和通粉一齐食，相当好玩过瘾。酥皮加通粉令口感更佳，唔会咁单调，而芝士烟肉通粉煮出水准，比唔少cafe既出品好食。
总的来说我觉得系一间有诚意既餐厅，难怪老友一试爱上，唔一定要最繁华既尖铜旺先有好野食，走远一d会发掘到新滋味同惊喜。餐厅优点系抵食夹大件，缺点同样系抵食夹大件，同埋某几款食物调味太重手，改善到最后一点相信会有更多回头客。
张贴
