茶木‧台式休閒餐廳 (MegaBox) (已結業)

女朋友特别钟意小丸子，茶木今次同小丸子合作，就当然要捧场啦。茶木x小丸子探险记分别有三个分店，铜锣湾世贸，旺角琼华同九龙湾MegaBox，每间分店觉自己限定嘅食品，而呢一度嘅限定就系小丸子吐司礼物盒，除此之外仲有其他食物同饮品都系小丸子主题嘅。落单冇几耐就上饮品，分别叫咗野口竹炭仙草奶茶同小丸子樱桃西瓜柳丁汁。仙草奶茶有啲似珍珠奶茶，只不过系珍珠换咗做仙草，奶茶比出边冇咁甜。西瓜汁好多西瓜，唔系啲假嘅化学药水。两杯饮品都配一个好靓嘅胶杯。蕃茄肉燥饭有啲似肉酱意粉个肉酱，鳗鱼完全冇骨，饭嘅份量大约有一碗，上边有一张印咗小丸子样嘅纸，虽然食得但系冇乜味。另外叫咗一个牛小排，沙茶味好浓，好好送饭。最后当然唔少得嘅就系限定嘅礼物盒啦，佢实质上系平时嘅吐司，配cookies and cream嘅雪糕，同埋另外加啲忌廉。餐厅入边嘅环境好精致，细路仔开心之余，嘢食咁平时杉木嘅标准差不多好食。