蓮苑 (已結業)

喜歡小丸子既你就岩哂喇，呢間餐廳非常推介俾大家,我地一去到間餐廳已經見到好大個小丸子公仔比大家影大合照，之後我地入到去職員好好安排左最入既位置比我地，因為我地三個大人加一個小朋友，職員非常貼心，一早已經幫我哋準備咗兒童餐具，令到我哋照顧小朋友方便啲。我地叫左三個下午茶，第一個係牛腩河加春卷，第二個係銀針粉加炸魚皮，第三個係黑松露麵加拍青瓜。三個餐都非常好食😋份量岩岩好，價錢合理，所有嘢食都煮得好出色。野飲方面我哋加咗豆漿同凍檸茶，餐廳好好可以俾顧客慢慢傾偈食飯，餐廳仲有好多小丸子既其他產品給顧客選購，例如箍臣，杯同碟等，啱晒啲小丸子嘅粉絲可以拎返屋企紀念☺️