Treats (已結業)

呢间车仔面一路都想试，之前听好多人话唔好食，但今次去到见到排长龙㖞! 又有小仪块纸版做生招牌，就行埋去买。用自助售卖机拣车仔面， 我就拣咗个三𩠌， 加$3可以有紫背天葵汁。车仔面要油面，𩠌就要咗个萝卜、墨鱼卷 和卤水鸡翼。本来唔谂住拣卤水鸡翼呀! 我见到佢啱啱倒出嚟，又出烟。酱汁要咗辣汁，辣味都唔错。萝卜好大嚿，又甜又冇渣，正!墨鱼卷质地同口感不错，有墨鱼粒。卤水鸡翼就差啲，冇卤水味，鸡翼都系普通货色。面的质地一般， 索唔到汁，好淡口。紫背天葵汁唔会剩系水。