影片
更多
2015-10-18
301 浏览
探完亲戚，向附近住宅区既小街中，揾到呢间貌似茶餐厅，但主要系食西式菜既餐厅试下先!铺面细细，一眼睇晒，可能系做街坊生意为主喇，装潢简单舒适，灯光下俾人温暖既感觉!餐牌上既菜式实在太多选择喇，咩都想食添，太难拣喇 正当我地犹豫不决既时候，亲切既老板推介我地食招牌菜烤焗咸猪手配酸椰菜，虽然都好想试，但怕我地2个人眼宽肚窄食唔晒，最终拣左另外2款main course。先黎小食，白汁鲜蚬一大碗，份量等同大排档既炒蚬呀，粒粒肥美既蚬肉，一啖咬落去，嗯！好juice既海水味，可惜白汁既味道唔够浓，略嫌失色!Main Course +$15转左套餐，先来一碗浓稠既忌廉南瓜汤，甜甜既南瓜味，口感软绵幼滑👍鹅肝牛扒既卖相杀食，令我地食欲大振呀! $168有2块牛扒+1件鹅肝㖞，算抵食!切开牛扒可见少少血红色，火候刚好系我地指定既7成熟，配味浓既牛肝菌汁，非常美味!鹅肝煎过更香口，(上面仲有少少黑色既粒粒，唔知系咪松露呢，当系喇，好高级呀!)入口即溶既鹅肝夹杂牛扒，简直一绝呀😋呀!隔离既伴菜都几青绿新鲜，可以消制，入面有3粒煎过既薯仔都好好味!套餐包既白饭系分开上既，但系净系食main course都
铺面细细，一眼睇晒，可能系做街坊生意为主喇，装潢简单舒适，灯光下俾人温暖既感觉!餐牌上既菜式实在太多选择喇，咩都想食添，太难拣喇 正当我地犹豫不决既时候，亲切既老板推介我地食招牌菜烤焗咸猪手配酸椰菜，虽然都好想试，但怕我地2个人眼宽肚窄食唔晒，最终拣左另外2款main course。
先黎小食，白汁鲜蚬一大碗，份量等同大排档既炒蚬呀，粒粒肥美既蚬肉，一啖咬落去，嗯！好juice既海水味，可惜白汁既味道唔够浓，略嫌失色!
Main Course +$15转左套餐，先来一碗浓稠既忌廉南瓜汤，甜甜既南瓜味，口感软绵幼滑👍
鹅肝牛扒既卖相杀食，令我地食欲大振呀! $168有2块牛扒+1件鹅肝㖞，算抵食!切开牛扒可见少少血红色，火候刚好系我地指定既7成熟，配味浓既牛肝菌汁，非常美味!鹅肝煎过更香口，(上面仲有少少黑色既粒粒，唔知系咪松露呢，当系喇，好高级呀!)入口即溶既鹅肝夹杂牛扒，简直一绝呀😋呀!隔离既伴菜都几青绿新鲜，可以消制，入面有3粒煎过既薯仔都好好味!套餐包既白饭系分开上既，但系净系食main course都已经好饱饱喇!
另一款拣左慢焗猪腩排配意大利醋，猪腩排既肉质层次分明，不能忽略既系个醋汁，酸中带甜好特别，配上油腻腻既肥膏同香口腩肉混合，好有咬感，好味到停唔到呀!配埋加上少少黑椒既意粉，更饱足!OMG!要做几多运动先减到d calorie😩唔理喇，食左先算!
饮品就无咩特别，正正常常!
虽然已经好饱，但甜品系有第2个胃架嘛，更何况系自家制既!拣左震滕滕开心心既意大利奶冻，仲要系sweet既心形，滑溜溜既质感配士多啤梨酱，更突出幼滑既奶味😋
拮穿香脆既焦糖，一啖到底，微暖既焦糖片到软滑既冻炖蛋，非常可口!2款甜品都唔会太甜，岩晒我!
估唔到向小区内揾到5星级既美味西餐，即使无豪华装修又如何!价廉物美且份量够，非常满足呀!
题外话/补充资料：
下次一定要约埋多d朋友一齐黎试埋个猪手同其他野食先 😆
(以上食记乃用户个人意见 , 并不代表OpenRice之观点。)
张贴
