影片
更多
2018-07-12
58 浏览
朋友住喺呢区附近，所以都约喺呢头食饭。佢同我讲呢头有一间唔错嘅越南餐厅，所以我哋今次就嚟试吓！入去坐低，睇吓Menu就见到有个小菜套餐，只系$168就有两个小菜仲有饭有饮品。我哋就拣咗海南鸡同蒜蓉炒通菜，之后再加左一个三式拼盘同埋一个猪颈肉。之后就一路慢慢倾慢慢食喇！海南鸡质地非常嫩滑，唔会话皮肉分离，加埋啲姜蓉食送饭真系一流！炒菜唔会食到成口油，而且味道都唔会太浓味，当然爱食菜嘅我哋就觉得如果分量多啲就更加好啦！接住就系三色拼盘，拼盘入面有炸春卷、越式粉包同蔗虾（？）。个春卷我哋都唔系即刻食，放左一阵都依然好脆，但系完全唔觉得好热气；越式粉包入面馅料充足；蔗虾味道都唔错呀！可惜第二日我哋都要返工，否则我哋都一定会带番杯啤酒叹下！我哋最初怕唔够饱所以就叫多一个猪颈肉，但系原来个海南鸡都好大份。好彩个猪颈肉都几好味所以我哋都清晒呀！食饱饱我哋又要返归准备第日返工啦，下次再发掘一啲屋村好味餐厅先！
入去坐低，睇吓Menu就见到有个小菜套餐，只系$168就有两个小菜仲有饭有饮品。我哋就拣咗海南鸡同蒜蓉炒通菜，之后再加左一个三式拼盘同埋一个猪颈肉。之后就一路慢慢倾慢慢食喇！
海南鸡质地非常嫩滑，唔会话皮肉分离，加埋啲姜蓉食送饭真系一流！
炒菜唔会食到成口油，而且味道都唔会太浓味，当然爱食菜嘅我哋就觉得如果分量多啲就更加好啦！
接住就系三色拼盘，拼盘入面有炸春卷、越式粉包同蔗虾（？）。个春卷我哋都唔系即刻食，放左一阵都依然好脆，但系完全唔觉得好热气；越式粉包入面馅料充足；蔗虾味道都唔错呀！可惜第二日我哋都要返工，否则我哋都一定会带番杯啤酒叹下！
我哋最初怕唔够饱所以就叫多一个猪颈肉，但系原来个海南鸡都好大份。好彩个猪颈肉都几好味所以我哋都清晒呀！食饱饱我哋又要返归准备第日返工啦，下次再发掘一啲屋村好味餐厅先！
张贴
