小南國 (已結業)

三人行喺屯门一带医肚，为咗唔排队，就放弃食「上海婆婆」，决定去位于商场三楼嘅小南国食上海菜。小南国地方大，布置得体，坐得几舒服！但餐单方面就唔多啱食。虽然客唔多，但有时想嗌嘢都冇乜理。我哋嗌咗花雕醉鸡、担担面、上海年糕、小笼品、生煎包、葱油饼同豆浆。醉鸡讲真冇乜肉，得上面几旧有得食下；担担面味道完全同唔到「上海婆婆」/「翡翠拉面」比，唔推介;上海炒年糕唔系我想象一样，个人唔多钟意，好似食粉团咁，冇咩味; 小笼包皮有啲干，入面好多汤;生煎包ok; 葱油饼过油，但几香脆！可试，质素唔系好，唔系差。但只怕屯门呢间分店做唔长，因为客人不多，食物又唔系卓越！