小南洋 (東薈城名店倉)

营业中

休息中

小南洋海南鸡喇沙，海南鸡嘅鸡肉嫰滑，唔会过鞋过老，烹煮嘅时间十分刚刚好。而且鸡件带有少少咸味，腌制嘅用料亦都控制得相当理想。唔需要加配其他酱汁都已经够味。👍🏻而喇沙方面，佢系掺掺面嚟嘅，即系一碗面里面包含咗油面及米粉，增加口感。喇沙嘅味道相当浓郁，有辣味之余亦都食到喇沙嘅味道，唔会一味死辣盖过其他味道。🍜面嘅质地亦都索晒喇沙嘅味道，所以每一啖面都充满喇沙嘅香味。面里面除咗有芽菜增加口感之外，亦都附上鸡蛋同埋豆卜，加上面嘅份量十足，一个海南鸡喇沙面唔使加配其他食物都已经够饱。