Spade by Lassana (已結業)

今日同屋企人去大本型行街，新商场，第一次去逛逛睇下有咩新发现咁.哈哈......其实系经一位朋友讲过话𠮶到有间雪糕店，极力推介我去，因为佢知我好钟意食雪糕，仲话系炒雪糕,所以经佢讲完之后搞到我心郁郁，事关油塘lee个地方距离我屋企好有距离，但系无办法，最后都决定咗今日要去试一试！一去到个商场，原来间雪糕店就响商场个大堂𠮶层，好当眼，好开阳，仲惊好难揾，但系难就难在我念咗好内都决定唔到食边只味既炒雪糕，真糟糕！最后经过好内既时间后我拣咗宇治金时，我屋企人就叫咗杯热latte. 值得赞既系d绿茶雪糕好浓郁好滑，带有甘甘地既味道，加埋其他丸子同芝麻配料好有香好有口感.Latte 亦好香浓，热度刚刚好，唔会太冻亦唔会太热。拉花拉得好靓, 见到d 店员都好认真细心咁冲每一杯咖啡，送上既时候都面带住好窝心既笑容。原来佢地旺角䦕左分店，咁以后都再可以同朋友随时再去试试喇!!!!!