北海道食堂 (已結業)

有一日平日收工同朋友去咗沙田北海道食堂食西餐，餐厅唔系喺火车站附近嘅商场，而系喺一个细商场里面，所以人流相对少，但系餐厅阔落，坐得几舒服。睇吓个Menu选择都几多，放咗工已经好攰，唔系好想用脑，所以就拣咗个精选二人餐。餐包同汤好快就送上，个汤都几creamy。 明太子藜麦薯仔田园沙律伴凯撒汁🥗沙律份量都好大，对于返工已经成日食街外𩠌来讲，食多啲菜对身体都好呀！黑松露芝士意式烩饭🍽侍应推介，非常重芝士味，劲creamy，建议两个人share，一个人食会有啲漏。夏威夷风情薄饼🍕Pizza黎讲我人生首选系千岛酱海鲜，其次就系夏威夷风情，呢个组合基本上冇得输，几好食。跟餐仲配两杯冻果茶。我哋加咗两份是日甜品，正常朱古力蛋糕味。