舍利鮨 (已結業)

疫情封关下，日本菜越开越多，总算系对恋日港人嘅心灵慰藉。呢间舍利鮨开设于元朗，主打相宜价格、日本直送质素，即使budget有限都能品尝到令人回味无穷嘅OMAKASE。每次享用厨师发办都有拆盲盒嘅感觉，你永远唔知下道菜会上啲乜，但到完膳果刻都有一样嘅满足；由点餐到尾声都由同一师傅主理，师傅好倾，加上对鲜味食材嘅尊重，所以并唔系每道菜都有留影，以下只列出印象尤其深刻嘅菜式。北海道海胆为市场级别，只见外观颜色都知新鲜。以军舰形式盛载，饭少海胆多，更能专注于海胆鲜甜软滑嘅原味，即制军舰最出彩嘅地方系紫菜仍保持薄脆，口感更佳。兵库县室津产蚝，有蚝界王者之称，质素当然无容置疑，入口带淡淡嘅海水味；虽经微微灼熟，但蚝身丝毫无缩水，仍然厚肉肥美。冲绳野生吞拿鱼中拖，特点系四肥六瘦，有肉筋嘅嚼劲，同时带几分软嫩，鱼味浓厚。大拖油份再重啲，鱼味亦成正比地更浓厚。䲠鱼不为香港人熟识，分分钟食过都唔知呢种鱼叫「䲠」，其实都系马鲛嘅一种。夏天卵期食佢嘅柔软，冬天则食佢嘅肥美； 作为白身鱼，味道偏向淡身，建议蘸上芥末提味，细味佢嘅口感。少喺呢类型餐厅供应呢类饱肚饭食，但呢碗生烧鳗鱼饭令我另眼相看。师傅表示鳗鱼正值