山東小城 (埃華街)

营业中

休息中

黑糖黑醋排骨担担面汤底第一啖饮入口唔辣，吞完都唔觉辣，但再过两三秒之后开始黎料啦，以为系少少辣，跟住个辣慢慢喺喉咙辣出黎。哇，系都几辣下㖞！果种辣唔系舌头觉得辣，而系由喉咙辣涌上黎有啲想咳咁，辣得咁有层次，果然厉害。面够淋，岩我食，不过食食下面又慢慢唔觉辣，真系神奇！有花生香，唔算浓，不过有花生粒食搭够。排骨味有啲似猪脚姜醋只味，肉质如果再淋啲会更好。鲜肉韭菜饺有10粒，好足料好大粒，比我想像中大粒，50蚊都几抵食。食落啲料系新鲜既，食完个口冇臭韭菜味，非常好！自制豆浆有冻有热选择，甜度岩我，我本身钟意饮唔太甜既，好饮。