小城鎮 (已結業)

收工想放鬆下，約咗個同事收工飲下酒，搵到呢間喺北角嘅西餐廳，有酒飲有西餐食又有甜品fit晒。餐廳裝修同佢個名好配搭，有好多小城鎮嘅擺設同裝飾，有少少係外國餐廳嘅感覺。前菜我哋叫咗個沙律，估唔到煙三文魚份量咁多，好抵食，而且個汁係蜂蜜醋，相當特別，又甜又少少酸，配沙律簡直一流。主食比目魚同埋豬仔骨，味道都相當唔錯，叫埋杯紅酒飲，相當適合。最後食埋佢個甜品，相當滿足。另外要提一提佢水果茶，好適合女仔飲，但又唔會好甜又有個香味。