影片
更多
2022-06-02
1329 浏览
星期五放工去咗北角揾朋友食饭，我哋帮衬咗「小城镇🏰」，如果唔系街坊未必识嚟😳，因为佢位置喺内街。餐厅装修行工业风，用上旧式火车模型同复古路牌作点缀🚞，配合返外国小城镇嘅主题。整体环境舒服，朋友聚会或情侣拍拖嚟呢度都好适合！餐厅定价比想像中平🍽，大部份薄饼、意粉同饭类嘅菜式一百蚊楼下有找；而肉扒就贵少少，但都系讲紧百几二百蚊，而且份量仲要好多！佢设有二人套餐，但想食嘅嘢都不在其中，所以最终散叫。三文鱼卡邦尼意粉($98)，🍝意粉卖相吸引，面条偏幼身，口感富嚼劲，兼且非常挂汁。我认为比起所谓专门店嘅手工Pasta更出色！卡邦尼酱汁唔会好腻好黏，偏近忌廉风。面头散上脆烟肉粒🥓，而内里就有煮熟咗嘅烟三文鱼、烟肉片同杂菌，每啖食落都好丰富。蒜蓉香草焗羊架($168)，🐑🍖羊架一客有三件，羊膻味适中，并渗透出蒜蓉香草味，但又唔会盖过肉味。羊架肉质唔韧，沾薄荷酱食一流🌿！伴菜摆盘好有心思，包括车厘茄、翠玉瓜、西兰花同椰菜等，全部蔬菜都好清甜。忌廉黑菌牛柳粒($75)，小食满有惊喜，因为无谂过个汁咁惹味，而且同牛柳粒都好夹🤤。牛柳粒有七至八粒，质素唔错，牛味浓郁兼肉嫩。除咗肉之外，佢仲有好多菇🍄同三色
星期五放工去咗北角揾朋友食饭，我哋帮衬咗「小城镇🏰」，如果唔系街坊未必识嚟😳，因为佢位置喺内街。
餐厅装修行工业风，用上旧式火车模型同复古路牌作点缀🚞，配合返外国小城镇嘅主题。整体环境舒服，朋友聚会或情侣拍拖嚟呢度都好适合！
餐厅定价比想像中平🍽，大部份薄饼、意粉同饭类嘅菜式一百蚊楼下有找；而肉扒就贵少少，但都系讲紧百几二百蚊，而且份量仲要好多！佢设有二人套餐，但想食嘅嘢都不在其中，所以最终散叫。
三文鱼卡邦尼意粉
$98
31 浏览
0 赞好
0 留言
蒜蓉香草焗羊架
$168
25 浏览
0 赞好
0 留言
忌廉黑菌牛柳粒
$75
14 浏览
0 赞好
0 留言
烟三文鱼牛油果酱沙沙多士($69)，店员特别推介沙沙多士🥖，佢话呢款最多人嗌。四件多士为一客，面包属正常发挥，少少脆唔干身。不过重点所在系上面啲馅，烟三文鱼粒嘅咸香🐟同酸酸哋嘅牛油果酱🥑相映成趣。
酥皮汤
7 浏览
0 赞好
0 留言
蓝莓芝士蛋糕，跟餐蛋糕三选一🍰，细细件，份量啱啱好，因为已经好饱。芝士层真材实料，所以食落都几滞，不过唔太甜；但蓝莓酱就麻麻哋，应该唔系新鲜果肉。
饮品方面，我哋要咗红豆宇治抹茶(原价$32)同埋玫瑰绿茶梳打(原价$36)，两杯造型好睇又好饮。🍵前者嘅抹茶同红豆系最佳拍档，后者组合看似唔太搭调，绿茶沟梳打系乜玩法，但出奇地无咩违和感，而且玫瑰香突出🌹。
总括嚟讲，小城镇嘅食物出品几有水准，价钱大众化，又大大碟😄，难怪在座食客都表现得好满足。呢度好似仲有Happy Hour优惠，啤酒配小食无得输，我下次都会再嚟帮衬！
张贴
