甜椰坊自家制甜品專門店 (已結業)

人生第一次正正经经到大浦，原因系嚟见另外两个童年小朋友，嚟之前就内心觉得非常兴奋，去到嘅时间我地都觉得唔上唔下，就一于约系甜椰坊，从我们的几张大合照就可以见到，我们点咗三种截然不同嘅饮品，其实都系大同小异嘅感觉，蛋仔甜椰（$42），价钱方面好好接受，提醒一下，系冻嘅，我觉得实物俾图片仲有正，椰汁好香，点解椰汁可以咁好饮吖？简直令我好想一啖饮晒佢。小丸子甜椰（$40），都系冻嘅，粒粒小丸子都觉得好得意，样子咁可爱都唔舍得食喇，小丸子系口感方面都系比较弹牙果只，而且小丸子都好多。仲有一款好经典海底椰甜椰，食嚟食去我都系觉得最岩我嘅系海底椰甜椰，椰汁嘅味道真系唔会令人生厌。全部嘅价钱都好抵，接受能力十分强，老板伙计嘅服务态度好好，热情而又周到，店铺里面好干净，希望仲有机会再嚟。