Kani (已結業)

最近又响观塘做嘢，食lunch差不多就系茶餐厅同连锁食肆之选。心谂明明夜晚工厦大把花花世界，即使系lunch都实有坐得舒舒服服嘅地方。今次就终于揾倒间位于观塘工厦嘅宽敞餐厅。餐厅坐位非常简约而敞大，我们一行三人获安排坐了一张可以容纳6人的枱。餐牌选择很多，基本上有齐鱼生， 意粉，饭类，即使一大班人黎都唔怕有人拣唔倒心水。不过就价钱而言于观塘就叫偏贵，要80-120倒，另有加一㖞，唔太岩日日食，不过间唔中一餐都ok嘅！餐汤有南瓜汤同面豉汤拣，我尼个就系南瓜黎。个汤都有南瓜味，但就啖左啲，浓返啲就好了。个主菜我拣左蟹肉奄列蛋饭，78蚊另有加一。个卖相就唔错，金金黄黄，而且仲几香。但同我预期唧样有好大出入下。因为我expect会系蛋包饭，再有茄汁。不过anyway,好食就得。个饭炒得唔错，可谓粒粒金黄，再铺上密密的蟹籽及丝丝蟹肉，口感同味道都令我满意。特别系蟹肉的鲜味没有被沙律酱盖过，份量亦叫大方，几乎每口都有蟹肉味，蟹籽就更加是，值得推介。附送嘅餐饮我拣左热柠水，无咩特别。不过份量很多，大大一杯，并非用茶楼啲杯。虽然尼间餐厅的价钱于观塘属中高之选，但胜在坐得舒适，而且食物用料足，不妨一试。