影片
更多
2018-08-14
3419 浏览
每年一度的小学同学聚餐定咗8月11日举行，参加人数买少见少，今年只剩9人参加，可能是暑假档期吧，好多人都不在香港，未能出席。搞手在报纸睇到有超抵围餐，酒楼地点可选土瓜湾、科技园或观塘，经投票后，都系拣咗交通较为方便的观塘。话就话观塘分店是较为交通方便，其实都好吊脚，在港铁站行过去都要十几分钟。不过唔知点解，咁吊脚的地方，都有咁多人来食。唯一想得到的解释系呢度真系大件夹抵食。我哋只得九男女，搞手建议食个 “十一道风味” $1698，免加一，啤酒任酒，加码加多二人份量，即是食够十人份，又即是加多$400，除开每人都只系$230。好处系可以享用多一只乳猪和灼鲜鲍鱼……一至通过啦!烧乳猪唔肥，皮薄又脆，好松化。椒盐黄金吊桶啲炸粉过多，炸得太硬，无论只吊桶几咁鲜甜都扣晒分。上汤龙虾伊面十人份都咁大份，好似仲多过一般十二人一围𠮶啲。数落大概有两只龙虾。味道一般。劲蒜贵妃蚌以大只取胜，而且真系劲多蒜，所以食落太多蒜蓉味，完全夺去贵妃蚌的鲜味。白灼生猛海虾都新鲜，肉质爽弹。灼鲜鲍鱼好厚肉，口感唔错。油盐水浸花甲有沙，所以大家都食唔晒，无投诉，只是叫阿姐收起佢。金银蛋浸菜苗啲菜好明显煮得过咗龙啦。金栗海
话就话观塘分店是较为交通方便，其实都好吊脚，在港铁站行过去都要十几分钟。不过唔知点解，咁吊脚的地方，都有咁多人来食。唯一想得到的解释系呢度真系大件夹抵食。
我哋只得九男女，搞手建议食个 “十一道风味” $1698，免加一，啤酒任酒，加码加多二人份量，即是食够十人份，又即是加多$400，除开每人都只系$230。好处系可以享用多一只乳猪和灼鲜鲍鱼……一至通过啦!
烧乳猪
唔肥，皮薄又脆，好松化。椒盐黄金吊桶
啲炸粉过多，炸得太硬，无论只吊桶几咁鲜甜都扣晒分。上汤龙虾伊面
十人份都咁大份，好似仲多过一般十二人一围𠮶啲。数落大概有两只龙虾。味道一般。劲蒜贵妃蚌
以大只取胜，而且真系劲多蒜，所以食落太多蒜蓉味，完全夺去贵妃蚌的鲜味。白灼生猛海虾
都新鲜，肉质爽弹。灼鲜鲍鱼
好厚肉，口感唔错。油盐水浸花甲
有沙，所以大家都食唔晒，无投诉，只是叫阿姐收起佢。金银蛋浸菜苗
啲菜好明显煮得过咗龙啦。金栗海鲜汤
饮唔出有太多味精，有虾有蚬有木瓜，食落其实都几鲜甜。脆皮炸子鸡
呢个有啲揾笨，8位用嘅餐写明系有一只鸡，有人似乎饮大咗少少问: “咁我哋加码食十人份，系咪应该要俾多只髀我哋呢?” 我哋立即控制住佢唔俾佢再乱讲嘢，用咩易俾厨房加料…..。清蒸游水龙趸
睇嚟都有斤半重，蒸得啱啱好。
XO酱粉丝肉蟹煲
有两只蟹，太多𩠌食喇，食唔晒。炒饭
无咩人问津，我都无食，唔知系咩味。整体来说，食物质素一般，服务一般，胜在价钱平。可惜地点实在太吊脚，食饱行番去港铁站可以帮助消化。
张贴
