喜遇 (已結業)

虽然住系香港，宅宅嘅我今日竟然系第一次去利东街。利东街范围唔算太大，但就收埋左好多特色餐厅。 同旧同事黎左一间叫喜遇嘅餐厅，门口企住左2只著中国服式嘅公仔，身体微微向前倾，好似对访客鞠躬咁。虽然门口系中国传统的木制门，但就采用左传统唔常用嘅天蓝色粉饰，舖内亦收左唔少嘅怀旧元素去布置，有种集传统同创新于一身嘅感觉。同旧同事叫左 胡麻油叉烧炒蛋饭($68)、濯汤小笼包($38)、炸排骨($18)、秘制鸡翼($18)同个两𩠌面($46)两个人齐齐分甘同味。第一位登场嘅系胡麻油叉烧炒蛋饭，见个个炒蛋成个拳头咁，觉得个卖相唔靓，同怕会鞋口，但食落俾相像中好好食，同滑嘅，味道唔会太咸，还好。濯汤小笼包抵赞嘅，热辣辣，上台果阵仲系有烟出紧！皮簿！好多汤汁系入面，劲Juicy！一路食一路都无爆，宝宝觉得好神奇。小笼包完全唔洗点酱，本身个肉同个汤已经味道够出。秘制鸡翼大大只，佢无太多炸粉，炸得好香酥金黄，肉质亦都好嫩，好食。炸排骨唔太钟意，D肉有D实，食落口有D硬。两𩠌面我地简左稻庭乌冬，担担汤(走辣)，配墨鱼虾卷同咖哩鱿鱼。担担汤好好饮，好香花生、芝麻、豆瓣酱等嘅香味，稻庭乌冬排汤力非常好，同汤系绝配