影片
更多
2024-01-02
94 浏览
大饭糖甜品小食屋 Sweet Canteen📍元朗洪水桥洪堤路8号雅珊商场地下8号舖中学年代起，每次食亲糖水都系会去洪水桥嘅大饭糖，都真系算我哋嘅饭堂嚟㗎。今次趁老爸入开洪水桥，一于带佢去我哋公认好食嘅糖水饭堂，试下佢哋出品！其实我一向都系宵夜时间先会去食，黄昏时间我都真系第一次，估唔到佢哋除咗咖喱、肠粉呢啲小食外，原来仲有好多花款，6点前仲有个半自助餐，吸引好多打工仔收工同一家大细嚟食，睇嚟深受街坊喜爱啵！今次嚟到，见到月中推出咗期间限定嘅汤丸甜品，只系做到2月8号㗎喳，想食嘅要趁早啦！ 💰$58三色芋圆芝麻汤圆芭菲杯 🍨小宁波 x 大饭糖系列，推出咗三款汤丸甜品，每款都创意满满，无论系中、西定玩味都兼顾到，分别有玫瑰桂花罗望子酒酿芝麻汤丸、爆炸糖椰丝榛子芝麻糖不甩同我拣嘅呢款三色芋圆芝麻汤圆芭菲杯。呢个芭菲杯有大饭糖嘅招牌日本5.0软雪糕，围边有芝麻汤丸同椰奶忌廉，杯底放满芋圆同小丸子，食前一刻再喺雪糕上淋上微温嘅芝麻糊，一杯食到多种滋味！ 💰$70六盛・半自助午餐 🍽️呢个好受欢迎嘅半自助午餐讲嘅六盛包括主食、小食、甜品、饮品、自助餐汤及沙律，经济实惠又饱肚，仲有得按份量收费，难怪
📍元朗洪水桥洪堤路8号雅珊商场地下8号舖
中学年代起，每次食亲糖水都系会去洪水桥嘅大饭糖，都真系算我哋嘅饭堂嚟㗎。今次趁老爸入开洪水桥，一于带佢去我哋公认好食嘅糖水饭堂，试下佢哋出品！
其实我一向都系宵夜时间先会去食，黄昏时间我都真系第一次，估唔到佢哋除咗咖喱、肠粉呢啲小食外，原来仲有好多花款，6点前仲有个半自助餐，吸引好多打工仔收工同一家大细嚟食，睇嚟深受街坊喜爱啵！
今次嚟到，见到月中推出咗期间限定嘅汤丸甜品，只系做到2月8号㗎喳，想食嘅要趁早啦！
[价钱 Price]
💰$58
三色芋圆芝麻汤圆芭菲杯 🍨
小宁波 x 大饭糖系列，推出咗三款汤丸甜品，每款都创意满满，无论系中、西定玩味都兼顾到，分别有玫瑰桂花罗望子酒酿芝麻汤丸、爆炸糖椰丝榛子芝麻糖不甩同我拣嘅呢款三色芋圆芝麻汤圆芭菲杯。
呢个芭菲杯有大饭糖嘅招牌日本5.0软雪糕，围边有芝麻汤丸同椰奶忌廉，杯底放满芋圆同小丸子，食前一刻再喺雪糕上淋上微温嘅芝麻糊，一杯食到多种滋味！
[价钱 Price]
💰$70
六盛・半自助午餐 🍽️
呢个好受欢迎嘅半自助午餐讲嘅六盛包括主食、小食、甜品、饮品、自助餐汤及沙律，经济实惠又饱肚，仲有得按份量收费，难怪会咁受欢迎！
麻香海蜇熏蹄肉饭 🍱
呢碗海蜇熏蹄肉饭大大碗，饭面上铺满大大嚿嘅熏蹄肉同海蜇，再淋上秘制酱汁、洒上芝麻，真系令人好满足。我最欣赏佢嘅熏蹄肉，即使系厚切成角状，但一啲都唔韧，猪皮爽口弹牙，瘦肉部分亦唔柴，无谂到糖水舖都有咁正嘅出品。
玫瑰桂花罗望子酒酿芝麻汤丸 (+$2) 🍡
甜品方面同小食都系每日更新，食客要留意餐厅内电视萤幕，睇睇当日有咩选择。由于想试埋佢哋嘅汤丸新品，所以我哋加咗$2，叫咗一碗4粒嘅玫瑰桂花罗望子酒酿芝麻汤丸。
本来我怕酒味会好重，但估唔到玫瑰同桂花嘅香味更重，入口前花香扑鼻而嚟，花嘅香甜味同芝麻汤圆都几夹。
盐酥鸡扒 🐓
小食盐酥鸡扒台味十足，份量都唔少㗎！喺炸过嘅鸡扒上洒上台式味粉，合晒我哋胃口！
餐汤及沙律 🥫🥗
餐汤系青红萝卜罗宋汤，材料丰富，有好多蔬菜同肉碎，汤底颜色呈鲜红，无估到自助嘅汤品都好正㖞！
沙律有粟米粒、生洋葱片、生菜等，可以自己mix and match，可以拣芝麻酱同和风酱添！
[价钱 Price]
💰$25 (套餐加配价)
黑牛 🍫🥤
至于饮品，我就叫咗杯富怀旧风味嘅黑牛俾我老爸。呢度嘅雪糕真系无得输，无论黑(朱古力)定白(牛乳)，都一样香滑浓郁！配上好够气嘅罐装可口可乐，正到痺！
张贴
