葵 (已結業)

话说讲想食拉面都讲左好耐，今日黎到尖沙咀决定揾一间拉面店食！我同朋友行行下见到一间鲜艳抢眼既黄色小店，睇下门口餐牌，原来系食拉面既！再望下入面环境唔错，简洁干净，就决定入去再慢慢拣。餐牌上面既食物选择唔多，不过岩哂我呢啲有选择困难症既人。最后我拣左柚子鸡白汤拉面，而我朋友就叫左辣味噌拉面，仲加多左个饺子小食试下。呢个系柚子鸡白汤拉面。有一堆柚子俾我地自己捞，食落仲好有柚子味，好清新，唔会觉得好＂漏＂。啲配料与众不同，肉好厚，只蛋成粒过，放入口漏啲蛋浆出黎好满足！仲有粟米系一排过架！呢个辣味噌拉面既汤底岩岩好，唔太辣，我朋友真系忍唔住饮哂成碗汤佢！呢个饺子入面有啲类似软骨既馅，食落好爽口。由于我朋友比较大食，就决定叫多碗黑蒜油拉面试试，啲蒜真系好足料好浓味，钟意重口味既朋友可以试下呢个！不过系期间限定，有兴趣可以快啲去试下先。