皇后冰廳 (已結業)

喺长沙湾呢度静靓地嘅角落头，有间看似平凡，但原来收埋咗好食嘅即叫即开生蚝😍有阵时想食吓高性价比嘅西餐，呢间绝对满足到👍🏻呢度有爱尔兰/ 法国生蚝拣，见佢有做紧买五送一优惠，当然要拣贵啲𠮶款爱尔兰N2生蚝！卖相都唔错，够大只，食落新鲜爽脆，有丰富蚝鲜味，钟意食蚝嘅要试试佢喇！叫番支Apple Cider 抒畅一下先🥂芝士磨菇酿鸡翼呢个好食！脆香外皮，加上满满嘅芝士磨菇涵，叫咗两只唔系好够喉，应该要食4只！咖哩海鲜饭正正常常够份量，咖哩味都几香浓，捞饭一流西班牙猪肋排煮得够腍够入味，可以轻松咬净条骨，系几好食！仲有薯菜大大份，今餐够哂满足！