小島大廚

营业中

休息中

话说𠮶日入咗嚟西贡呢个小岛睇盐田梓，系西贡搭入嚟都要10分钟嘅船程，但我地公司一班同事都浩浩荡荡入到嚟呢度，一嚟到大家就冲咗上去睇𠮶个盐田梓呀、食豆腐花呀..... 但我就留意到呢间小店，老实讲，我觉得呢个老板都应该几有料，作为一个日本人，远道嚟到香港仲要系呢个咁偏僻嘅小岛开舖，如果无返咁上下料，其实应该系唔会有人嚟食架㖞! 佢呢度其实系有OMAKASE食嘅，所谓就系私房菜啦~ $800几蚊其实又唔系贵嘅，但系入到咁远，如果唔好食真系有啲傻，所以由于时间紧迫，而我又无预约底下，我都系叫咗杯即磨咖啡算勒。 呢杯咖啡系我order时，个店员都话我识野，哈!  重点系要唔好落糖，可能糖系会破坏咗个味道啦~ 咁我落咗奶就饮勒，哗,  入口仲有少少咖啡豆嘅油，好rich嘅咖啡豆味，啲咖啡味系个口度不停咁蕴酿，$28杯，真系值了。加上坐系海边，等架船嚟接我地，真系无论风景定杯咖啡都顿时间有100分。