熱沙咖啡 (已搬遷) 新店位置

不知不觉已经住咗喺马湾五年，虽然岛仔细细，但五脏俱全，中西日韩意餐厅都有，但最估唔到系呢度连土耳其餐厅都有。之前每次经过Coffee on the Sand都好想入去试，但总系揾唔到机会，而家工人姐姐黎咗，我终于可以放低细佬，同家姐落街食好野😊我地叫咗特色园池素鸡包，呢个土耳其有少少似山东嘅肉夹馍，但味道就充满土耳其风味。虽然系素鸡，但经过调味同烘烤，食落去非常滋味，晴晴完全食唔出系素鸡，仲不停同我讲鸡肉好好味🤤素鸡包配上新鲜沙律菜，口味清新😋除咗食物，呢度最有特色就系土耳其嘅热沙咖啡，把咖啡粉、水、糖放进小小的土耳其咖啡壶内，再放上热沙煮，咖啡味道非常香浓，配上土耳其糖果，别有一番风味😎呢度仲有其他马湾街坊寄卖的各式产品，大家食完仲可以睇下有咩可以买返屋企😌