影片
更多
2018-02-23
935 浏览
同老公同小情人黎银矿湾住返一晚, 订左个情人节套餐黎庆祝1年半前黎食过呢间, 食材十分优质, 味道各样都好掂, 抱住期待既心情黎食点知十分失望我唔钟意俾劣评同唔希望遇到差既餐厅, 但呢间餐厅真系令我好失望, 再上网查返原来最近易手, 同之前既体验相差太远了首先我地6点半就准时去到餐厅, 坐近个玻璃窗, 同时间餐厅已系半满状态。 虽然系情人节, 都有唔少家庭客同两公婆黎食 点菜我地前菜甜品沙律餐汤都系各一, 主菜叫左牛扒同猪扒, 发现前后左右都系咁叫法冇主见既叫法餐饮我叫左冻柠茶, 系附送好多茶叶。。。我想叫果汁, 因为我唔饮红酒白酒, 佢话冇果汁供应, 但我走既时候见到有人饮梗果汁。。。餐汤一个白汤一个红汤, 白汤系劲多面粉劲咸好难饮, 但我个小情人好钟意wor而红汤系更难饮, 淡既冇味既又有d油.... 而白汤个碗边全部都系汤沙律叫左中虾同三文鱼露荀, 等左15分钟, 已经十分肚饿了..所以觉得份量唔够... 而左边既情侣比我地迟黎, 但上菜仲快过我地.. 系上左三文鱼先, 有个光头侍应走黎每台问一次有冇野漏... 我地食完2碟后又送多个三文鱼俾我地.... 我地话已经食左喇, 佢先
1年半前黎食过呢间, 食材十分优质, 味道各样都好掂, 抱住期待既心情黎食点知十分失望
我唔钟意俾劣评同唔希望遇到差既餐厅, 但呢间餐厅真系令我好失望, 再上网查返原来最近易手, 同之前既体验相差太远了
首先我地6点半就准时去到餐厅, 坐近个玻璃窗, 同时间餐厅已系半满状态。 虽然系情人节, 都有唔少家庭客同两公婆黎食
点菜
我地前菜甜品沙律餐汤都系各一, 主菜叫左牛扒同猪扒, 发现前后左右都系咁叫法冇主见既叫法
餐饮
我叫左冻柠茶, 系附送好多茶叶。。。我想叫果汁, 因为我唔饮红酒白酒, 佢话冇果汁供应, 但我走既时候见到有人饮梗果汁。。。
餐汤
一个白汤一个红汤, 白汤系劲多面粉劲咸好难饮, 但我个小情人好钟意wor而红汤系更难饮, 淡既冇味既又有d油.... 而白汤个碗边全部都系汤
沙律
叫左中虾同三文鱼露荀, 等左15分钟, 已经十分肚饿了..所以觉得份量唔够... 而左边既情侣比我地迟黎, 但上菜仲快过我地.. 系上左三文鱼先, 有个光头侍应走黎每台问一次有冇野漏... 我地食完2碟后又送多个三文鱼俾我地.... 我地话已经食左喇, 佢先发现系另一台未有三文鱼
前菜
叫左鹅肝多士同海鲜酥皮盒, 鹅肝都okay大块同几好味, 而酥皮盒系劲细个包.. 又系等左10分钟先有食物同光头侍应再次走黎每台问一次有冇野漏... 见到后面有台家庭客个小朋友唔耐烦系度问有未呀...
主菜
冇期待就冇失望, 我地上次食个有骨西班牙猪扒系劲正, 食开牛既老公今次就叫左猪扒, 以为同上次一样。 点知系茶餐厅果d硬硬地既猪扒, 当然质素系普通。。 而我就叫左牛扒, 8成熟, 真系好熟... 后面另一台就问个侍应有食物未, 因为佢地仲早过我地黎, 但上菜既次序唔系先到先有, 而系由近厨房果边开始上.. 光头侍应再次每台问一次有咩未黎同侍应再次上多碟牛扒俾我地.... 如果系好味既话我唔介意食埋佢
甜品
我地食完主菜等左15 分钟都未有心太软同cake..而左边果台比我地迟黎就食左一半个主菜就黎左甜品。。我发现左之后静鸡鸡同老公讲, 再过多5分钟左边台个女仔就举手同侍应讲佢地未食完唔想咁快上甜品.. 个侍应话个甜品上错左, 应该上俾我地既, 就直接搬个甜品俾我地.. 我果刻真系劲o咀, 我知就算送返去厨房都系照上俾其他客, 但冇谂过佢咁公开同直接, 我问老公你介唔介意呀, 老公话个心太软隔离个雪糕融左 叫侍应换新既个雪糕俾佢, 个侍应话冇问题, 点知再送上黎既时候系直接加多一个新既雪糕系旧既雪糕隔离.. 我真系xzy.... 我同老公真系食到无言
cake
临走时见到隔离台有生日蛋糕, 我问点样先有, 侍应叫我问前台。 话说我老公都系2月生日, 我打电话问过酒店个生日优惠时, 佢话情人节同农历新年期间一定冇生日优惠
所以我订左情人节优惠($999) 而生日优惠系($888) 送蛋糕, 讲真我系食唔落个蛋糕架喇, 但我觉得俾酒店前台职员阴左一获啰
总结
1. 餐厅易手后管理有问题, 连住宿都差左
2. 唔好拎呢度既服务质素同市区比较
3. 小朋友唔岩食呢度既食物, 结果带佢去麦记医肚, 发现咁大间麦记都系得2个店员. 推论离岛地点请人好难
4.唔好系情人节 正日庆祝情人节又多人又贵又唔好食
5. 如果你好钟意个海滩景 而对住情人都好开心既时候, 系可以黎呢度享受美景同放松自己
6. 我希望呢间餐厅可以回复以前既水准, 等我地第日再黎而唔驶拣商业化既愉景湾酒店同黄金海岸
PS。电话相冇哂, 等迟d升级左再补返相
张贴