兄弟工房 (已結業)

系沙田揾食唔一定去新城市，马铁石门站周围都有好多好野食！😊😊😊为左出去抖下气，今晚就寻寻觅觅揾到呢间兄弟工房，座落系京瑞广场第一期出面，店铺面积唔大但好骨子，装潢颇有心思。😍好有温馨café feel一开始我地叫个starter巴马风干火腿配蜜瓜，总共有8件好足料好大件，出面既starter一定无咁好！蜜瓜好甜好新鲜，好大旧😍火腿唔太咸易入口，yummy！😆😆然后我地叫左两set dinner，佢先俾蕃茄汤我地饮，以为系普通蕃茄汤，其实系蕃茄蓉，每啖都有好浓既茄肉！😳😳第一个set系烧大虾墨汁意大利粉，意粉整墨汁唔太浓刚刚好，大虾都好鲜甜！🤗🤗另一个系美式BBQ酱烤猪肋骨配薯条，黎到真系哗一声，好大碟，猪肋骨肉好嫩滑，最正系个BBQ汁配合得好好，薯条又脆，一边食一边赞不绝口！🤤🤤2个餐都有杯野饮，我地叫左杯热柠茶同iced orange tea，柠茶茶味浓，而杯「橙茶」又好有创意，好fresh❤️❤️最后再食多个甜品法式焦糖炖蛋，香脆既糖衣，蛋又软又滑，好彩食埋先走！🤤🤤