木子甜品 (已結業)

呢個係自由配搭既甜品，所以我揀左兩樣我最鍾意既野，而且價錢又平D，最適合我。第一樣係芒果雪泥，佢既質地就係好似薯蓉狀咁，但味道就係芒果，佢呢隻芒果味有D特別，好似係用芒果干味，當然一D都唔干啦。食落都幾滑，完全無冰粒，入口即融。第二樣係黑糖小丸子，我本來以為係一碗煮好左咁上，點知原來係分開上既，小丸子配黑糖粉，咁樣都好，黑糖既多少可以靠自己點幾多黎控制。黑糖粉既味道都幾濃縮下，好重黑糖味而且偏甜，所以每粒點小小就夠。而小丸子細細粒，口感好煙韌，可以多咀嚼幾口先吞，是我最喜歡的口感。總結，簡簡單單，價錢實惠，味道又好，無得彈。