Haven (已結業)

午餐揾食贴士今日无订枱，1215左右去到，仲有位。直到1时许，仍有数张4人枱。如果35知己即时约午餐，可以考虑的。同事叫咗鱼，我叫咗牛扒，包前菜及餐饮。先讲汤，唔错呀，唔系开粉的，只系略为淡啲。个鱼，得两小片，下面有一大堆薯蓉，我望住个碟鱼问咗个同事一句，你要唔要谂定下午茶。虽然份量唔大，但是同事话味道好好，只系份量多啲会好啲啰。到我个牛扒，得3只手指阔，长就不足一只手掌，真系好细块。质量其实唔错，我叫5成，真做到系5成，而且肉质鲜嫩，仲有一样系汁酱另上的，即使on diet都唔使怕。餐茶我地要咗咖啡，不过不失咁啦!坐的地方唔太迫，当然小店都唔好预好宽敞啦，再加上今个月有85折，都可以再去食。