小林札幌拉麵

营业中

休息中

見好耐冇行過奧運就過嚟行吓，原來喺附近都有好多好地道嘅小店，今次見呢間日本餐廳嘅門面好地道同好日式，於是就入去試一試。我哋叫咗個二人餐，包左前菜、兩個主食同三個小食，如果要飲嘢就額外加錢前菜: 薯仔沙律，份量十足仲好開胃主食方面就叫咗豚軟骨拉麵同埋叉燒拉麵。拉麵份量比出面平時嘅拉麵店相對大碗而且份量非常十足，但絕對唔馬虎，兩款嘅湯底都非常濃郁，唔會好淡。而豚軟骨整得唔錯而且充滿醬油味，至於叉燒亦都好大份，整體都幾好小食方面就叫咗自家製餃子、吉列豬扒同埋雞翼兩串及雞軟骨兩串。首先自家製餃子，煎得外脆，而且唔會好厚皮，食落去就啖啖肉同埋好Juicy，不過稍為有啲咸，建議唔使點豉油夠味吉列豬扒煎得個皮好脆而且唔會粉，啲肉打得好鬆軟又唔會太硬而串燒方面，唔會燒到好乾，仲留返原有嘅肉汁，仲要有雞翼同雞軟骨，一次過可以滿足晒唔同嘅口味！整體來講，呢個二人餐確實好抵，除咗拉麵夠大份之外，小食唔少，都可以三個人叫呢個二人餐，相信都好夠食。如果想搵個地方正整地又可以gathering，呢個餐廳都係一個唔錯嘅選擇。最後臨埋單嘅時候，餐廳送咗個口罩同埋口罩神器，真係好貼心。