小林札幌拉麵

营业中

休息中

见好耐冇行过奥运就过嚟行吓，原来喺附近都有好多好地道嘅小店，今次见呢间日本餐厅嘅门面好地道同好日式，于是就入去试一试。我哋叫咗个二人餐，包左前菜、两个主食同三个小食，如果要饮嘢就额外加钱前菜: 薯仔沙律，份量十足仲好开胃主食方面就叫咗豚软骨拉面同埋叉烧拉面。拉面份量比出面平时嘅拉面店相对大碗而且份量非常十足，但绝对唔马虎，两款嘅汤底都非常浓郁，唔会好淡。而豚软骨整得唔错而且充满酱油味，至于叉烧亦都好大份，整体都几好小食方面就叫咗自家制饺子、吉列猪扒同埋鸡翼两串及鸡软骨两串。首先自家制饺子，煎得外脆，而且唔会好厚皮，食落去就啖啖肉同埋好Juicy，不过稍为有啲咸，建议唔使点豉油够味吉列猪扒煎得个皮好脆而且唔会粉，啲肉打得好松软又唔会太硬而串烧方面，唔会烧到好干，仲留返原有嘅肉汁，仲要有鸡翼同鸡软骨，一次过可以满足晒唔同嘅口味！整体来讲，呢个二人餐确实好抵，除咗拉面够大份之外，小食唔少，都可以三个人叫呢个二人餐，相信都好够食。如果想揾个地方正整地又可以gathering，呢个餐厅都系一个唔错嘅选择。最后临埋单嘅时候，餐厅送咗个口罩同埋口罩神器，真系好贴心。