無麵不歡 - 中華私房粉麵 (已結業)

成日都听到呢间无面不欢系出名食螺丝粉、同川味小食。周六下午茶时间经过女人街见到唔多人就入黎试试。一入到去已经笼罩住浓烈嘅螺丝粉果种臭味，果然够正宗。打卡仲送椒盐狼牙土豆或爆菊花鱼蛋。望到墙上好多小食都想食，所以同友人决定只叫一碗面，再叫小食share!原创猪肚鸡（上海幼面）原锅上，饮落汤底非常浓稠而且带胶质。胡椒味几浓之外仲带点点药材味。食面碗汤仲可以饮埋，爽。仲附上秘制指天椒豉油俾我地点猪肚鸡食。加左大肠！大肠卤得入味外，猪肠应有弹性还在。湖南经典黑臭豆腐总共有6件，同我系东门经常食到嘅味道相约。 不过呢道就较干身左少少。椒盐狼牙土豆 超有惊喜。薯条炸得通透，调味非常惹味。呢个鱼皮有3款口味，凉盘鱼皮又真系买少见少。 爽口惹味，开胃嘅前菜。蛋饺$18就已经有5只，都几抵食。外层似煎香嘅蛋角，内层有猪肉馅都有调过味。不论小食同面食质素都属中上，价钱都唔贵。最后食得好满足，埋单219。