影片
更多
2011-09-25
97 浏览
6月4日, 夜晚走喺电器道上, 正惆怅食乜野之际, 转入琉璃街见到一间上海野, 名字叫上海弄堂, 店名同佢开嘅地方一样, 就系一条小巷... 而适逢六四, 呢度地方好近维园, 所以人流都唔少, 我地就系咁吸引咗入去.::: 香菰烤麸 ::: $45不得不试这弄堂主理而又富特色嘅烤麸. 呢个香菰烤麸确实非同小可! 面筋经过调制之后就系烤麸, 以冷盘作为开胃菜, 味道相当特别, 有d似卤水豆卜, 好索汁又够烟韧, 好好味~ 加埋云耳, 冬菇粒, 虽然系斋但系令嗜肉嘅我都食指为之大动!::: 排骨粗炒 ::: $68再来个饱肚嘅粗炒, 哗都好大碟㖞, 价钱虽然都系等于出面2碟. 但味道唔错, 粗炒惹味, 豉油味咸得嚟甜甜地, 质地都软硬适中, 爽口~ 炸出嚟嘅排骨又唔会好热气, 香味够, 肉地淋, 又唔会有猪扒嘅鞋口感~ 仲要椰菜都好入味, 整体都好配合, 又唔油腻, 食完碟底都冇乜油~::: 净菜肉云吞 ::: $35有8只嘅菜肉云吞, 只只都好整齐, 卖相唔错~ 汤底有浓浓嘅酱油味, 更加添云吞嘅鲜味~ 云吞馅料嘅菜同肉比例均匀, 食得出菜𠮶种清新味同浓浓嘅肉味, 好对称嘅味道~ 难得云
::: 香菰烤麸 ::: $45
不得不试这弄堂主理而又富特色嘅烤麸. 呢个香菰烤麸确实非同小可! 面筋经过调制之后就系烤麸, 以冷盘作为开胃菜, 味道相当特别, 有d似卤水豆卜, 好索汁又够烟韧, 好好味~ 加埋云耳, 冬菇粒, 虽然系斋但系令嗜肉嘅我都食指为之大动!
::: 排骨粗炒 ::: $68
再来个饱肚嘅粗炒, 哗都好大碟㖞, 价钱虽然都系等于出面2碟. 但味道唔错, 粗炒惹味, 豉油味咸得嚟甜甜地, 质地都软硬适中, 爽口~ 炸出嚟嘅排骨又唔会好热气, 香味够, 肉地淋, 又唔会有猪扒嘅鞋口感~ 仲要椰菜都好入味, 整体都好配合, 又唔油腻, 食完碟底都冇乜油~
::: 净菜肉云吞 ::: $35
有8只嘅菜肉云吞, 只只都好整齐, 卖相唔错~ 汤底有浓浓嘅酱油味, 更加添云吞嘅鲜味~ 云吞馅料嘅菜同肉比例均匀, 食得出菜𠮶种清新味同浓浓嘅肉味, 好对称嘅味道~ 难得云吞皮都唔马虎, 一贯上海云吞皮比较厚, 但系食落又唔会一口面粉, 一啖容易就咬得开, 放耐咗亦都唔会因为浸太多汤而散开~ 系好传统的上海云吞!
::: 冻豆浆 ::: $12
冻豆浆好清, 有豆味但系唔够杰, 就比较唔啱我地口味…
食咗个正宗上海菜, 食咗新野, 算系有收获~ 一路食都一路有人流, 生意几好, 仲见到有日本人嚟食, 希望佢地继续落去, 下次我地嚟食小笼包~
张贴
