燒夜食堂 (已結業)

今日去咗长沙湾嘅呢间烧夜食堂食串烧🍢，佢哋系用QR code下单🤳🏻，方便快捷，佢哋铺头虽然唔系好大，但系食物质素都真系唔错，小店大惊喜呀🤩.鸡类我就叫左明太子鸡翼🍗，盐烧手羽🍖，汁烧京葱鸡肉串，鸡软骨肉棒，味付糖心蛋烧🥚，明太子鸡翼去咗骨入面镶左满满嘅明太子，塞到只鸡翼胀卜卜，大满足呀🤤，另外只糖心蛋烧，真系超流心，效果超正👍🏻.牛肉类我叫咗盐烧一口牛串🥩，金菇肥牛串，牛肉淋滑一啲都唔韧，调味刚刚好，唔错呀😋.蔬菜类就叫左蒜蓉烧原条茄子🍆，芝士烧翠玉瓜🥒，烧冬菇串🍄，原条茄子一丝丝咁撕出嚟食，配搭埋好香口嘅蒜蓉，好味道😋.仲有其他烧/炸物包括芝士松露薯条🍟，一口芝士年糕，蒜蓉烧半壳蚝🦪，芝士🧀同松露两种邪恶嘅食材摆喺薯条上边，呢个配搭真系冇得输呀，另外芝士年糕入边又系有半溶嘅芝士，呢两款食物芝士控必叫呀🤗.食咗咁多串烧，都要食返啲淀粉质嘅，我地叫咗碗鸡白汤拉面🍜，叉烧烧得唔错，好香口，食埋拉面就够晒饱饱喇😙.叫得做烧夜食堂，梗系有得食宵夜㗎啦，佢哋仲开到凌晨两点㗎🌛，以后食宵夜又多个选择喇💁🏻‍♀️