Noodies (已結業)

最近听讲西营盘开咗好多餐厅, 放工同一个friend来到第三街睇吓有咩好食。见到呢间店内店员同几个鬼佬有讲有笑, 心想好似服务几好所以入咗去。坐低感觉几舒服, 后面鬼佬话唔想食汤面, 其中一位店员话可以幇佢off menu做个炒面。小店子为满足客户要求能够弹性处理直得加分啦~食嘢方面我叫咗清汤米粉鸡肉和肠,友人点咗冷面配猪手和牛丸。清汤味道清新汤底有猪骨和鸡味, 闻落香但食落味唔重,有个女店员见到我反应,同我细心地解释因为老板唔落味精所以清汤味会跟屋企煲的一样健康所以可连汤饮, 我都喜欢健康啲,所以就几钟意。鸡肉几滑唔错麻油味香,牛丸用牛筋丸几弹口, 开头觉得50元一碗面都唔平, 但食得出啲嘢用心做。友人话冷面几好食, 试咗一啖,面身滑,凉凉哋,面汁有几种酱油和炸蒜味,外面未食过, 感觉几新鲜,夏天食吓几好。饮嘢如果去facebook比like有半价, 两人二百元有找,平过拉面,也算物超所值啦。