遙

营业中

休息中

因为同老人家一齐食，所以今次食日本菜全部都系熟食，整体味道唔错，楼面似乎由老板一人打理，真系辛苦晒。安格斯牛肉稻庭乌冬份量都几大碗，安格斯牛肉几好食，最重要系够淋，老人家都咬到。叉烧拉面味道都唔错，唯一缺点系啲叉烧比想像中细，不过以$65一碗来讲又无可厚非嘅。另一个就叫稻庭乌冬(即系净乌冬)然后自己加一份日本南瓜天妇罗嘅自制天妇罗乌冬，份日本南瓜天妇罗一碟有五件，味道唔错，南瓜嘅厚薄切得适中，乌冬都好滑。之后再加咗两个𩠌，分别系金菇牛肉卷同埋烧白鳝。我想讲个烧白鳝真系好好食，佢烧得好好，外面烧得够干够趣且少少㶶，锁住入面白鳝肉嘅肉汁，而且唔会细细件。知佢个金菇牛肉卷味道都OK，只系比想像中幼身啲，唔似出边食到𠮶啲胀卜卜咁样。