滿粥順德粥底海鮮火鍋

营业中

休息中

话说老豆想食粥底火锅，朋友介绍黎呢间小店真心抵食。肉蟹餐$198/位，无味精日本珍珠米粥底又唔油，健康好多。价钱平但d料超新鲜，虽然小店但好整洁，而且发现佢d𩠌料全部洗得好干净。沙白、细蚬、大蚬系最正，唔点酱料都好好食；d虾大只仲识郁，鲍鱼、肉蟹系大只又爽口；今日嘅鱼系龙趸，好鬼厚肉超鲜。套餐自选六种火锅料，基本上样样都几好食，我拣咗大大粒嘅云吞、蜂巢豆腐、猪肉片、肥牛、油麦菜、淮山。最正系云吞同豆腐，云吞足料豆腐吸汤都好食。最后店员帮我地煮粥，会捞走多余𩠌料，加粥胆、蛋浆、猪油渣、菜脯、冬菜，个粥好香滑，份量多到食极都有。