Le Chefeteria

营业中

休息中

今日朋友请食晏，拣咗呢间法国餐厅，原来系位于铜锣湾新会道一座唐楼上面。餐厅本身系有啲细，枱与枱之间亦相当密集，讲大声啲嘢隔篱枱都会听到。餐厅基本上大部份都系set餐牌（$278），午餐有3款餐汤、10款主菜、甜品四拣一，再加埋一样饮品。如果选择贵食材另外on top 加差价。今日两个人试咗：前菜：面包六旧餐汤：龙虾汤 都唔错主菜：- 椰壳烟熏阿根廷黑安格斯牛里脊（另加$38）👍🏻味道系唔错，肉本身食落口冇渣，好滑好淋，点埋酱汁都几好味，奈何份量的确系细- 红酒炖澳洲和牛脸颊配薯泥时菜 （另加$28）👍🏻肉质好淋，一啲都唔黐牙，非常入味，但份量都系小甜品：- 芒果木糠布甸 ～芒果味十足，入面有面包crumbles 同raspberry sauce ，都几甜，但系佢哋话冇落糖- 香蕉飞碟～其实系香蕉放喺印度薄饼中间煎香左，上面再淋raspberry sauce, 打正旗号冇落糖，冇花巧饮品：乌龙玫瑰冷泡茶，都系细细杯，正常水杯得三份二满，味道清香总括嚟讲每一样嘢份量都偏细，女士食都话少。以呢个价钱食法国菜都算系咁，但系大食嘅朋友就要谂吓先。