影片
更多
2020-01-27
5030 浏览
我知道长沙湾天悦广场附近新开咗间Try My Bread🍞嘅小食店，无论social media嘅介绍抑或同事讲起，都见过听过好几次。但我一直未有意欲去试，因为自己对于面包无乜大兴趣，加上得面包食，好似唔多够饱咁。但同事再三yo我试下，话当团年咁话，好啦好啦，一行三人起行。小食店位于营盘街，其实个位唔算太旺，可能因为新开嘅关系同落得广告多啦，竟然咁多人等紧同排队👀。我哋事不宜迟即刻睇下餐牌有乜食先，食物选择主要系法包🥖同滑蛋吐司🍞，另外仲有啲小食。面包类嚟讲最平都要$40一份，饮品另加$10😳。小店定价喺深水埗区嚟讲未免太太太进取了吧？由于第一次嚟食，大妈同事提议不如试吓啲精选推介啦，我哋三个就可以试哂门口个牌列出𠮶三款3️⃣。咁我哋就去落单啦，老实讲我望咗个牌一眼，真系背唔哂三款推介个名，要望住个餐牌recall一下，要啲时间揾返个名出嚟，但长发女店员块面开始黑面🌚。算，嗌完食物后，我哋嗌饮品，见到话饮品加$10，但唔知系指边啲，就多问一句。点知上述𠮶位女店员好唔情愿咁讲除咗沙冰𠮶两款以外都系加$10㖞☹️。唉，之后听到都有其他食客问同一问题，如果咁唔耐烦，点解唔贴张纸仔讲呢？咁样会清楚啲
我知道长沙湾天悦广场附近新开咗间Try My Bread🍞嘅小食店，无论social media嘅介绍抑或同事讲起，都见过听过好几次。但我一直未有意欲去试，因为自己对于面包无乜大兴趣，加上得面包食，好似唔多够饱咁。
但同事再三yo我试下，话当团年咁话，好啦好啦，一行三人起行。小食店位于营盘街，其实个位唔算太旺，可能因为新开嘅关系同落得广告多啦，竟然咁多人等紧同排队👀。
我哋事不宜迟即刻睇下餐牌有乜食先，食物选择主要系法包🥖同滑蛋吐司🍞，另外仲有啲小食。面包类嚟讲最平都要$40一份，饮品另加$10😳。小店定价喺深水埗区嚟讲未免太太太进取了吧？
由于第一次嚟食，大妈同事提议不如试吓啲精选推介啦，我哋三个就可以试哂门口个牌列出𠮶三款3️⃣。咁我哋就去落单啦，老实讲我望咗个牌一眼，真系背唔哂三款推介个名，要望住个餐牌recall一下，要啲时间揾返个名出嚟，但长发女店员块面开始黑面🌚。
算，嗌完食物后，我哋嗌饮品，见到话饮品加$10，但唔知系指边啲，就多问一句。点知上述𠮶位女店员好唔情愿咁讲除咗沙冰𠮶两款以外都系加$10㖞☹️。唉，之后听到都有其他食客问同一问题，如果咁唔耐烦，点解唔贴张纸仔讲呢？咁样会清楚啲之余，我哋又唔使烦你啰。
不过小店有一样抵赞嘅地方，就系上菜速度算快，毕竟得两个人煮，又有咁多客人，我哋都唔使等好耐就有得食👍。食物系即煮，热辣辣送上的。
烟肉粒芝士酱脆脆薯格
$28
46 浏览
0 赞好
0 留言
正宗越式法包
$44
41 浏览
0 赞好
0 留言
正宗越式法包
$44
31 浏览
1 赞好
0 留言
软壳蟹滑蛋吐司
$50
83 浏览
3 赞好
0 留言
软壳蟹滑蛋吐司
$50
20 浏览
0 赞好
0 留言
软壳蟹滑蛋吐司
$50
46 浏览
0 赞好
0 留言
洋葱牛肉滑蛋吐司
$40
36 浏览
0 赞好
0 留言
洋葱牛肉滑蛋吐司
$40
46 浏览
0 赞好
0 留言
饮品方面，我哋三条友都加咗$10嗌埋，而且专登叫三杯唔同嘅试下。我自己饮🍋青柠梳打，味道正正常常，无咩特别。另一同事叫咗咸柠梳打，我本身唔好呢个口味，所以无试。两杯梳打都系用上一罐罐嘅梳打水。大妈就要咗热洛神花蜜，呢杯系三杯入面最好饮，因为洛神花嘅酸被蜜糖中和返，而且味道浓郁，唔错。
服务方面，落单嘅长发女店员令我有啲唔高兴😣，但另一位短发女店员(我估系老板)就友善好多，亦都比较主动。佢见我食完嘢都仲有大大杯梳打未饮完准备拎走，佢话不如比个杯盖我，同埋亦有为我递上纸巾😄。所以综合返，服务我唔会俾到太低分。我明白经营小店真系好忙，要一脚踢，但如果想食客成个体验好啲，店员态度都系重要嘅一环。假若成为排队店，更加会做到无停手，小店而家应该衬新开多客人嘅时候，demo一下，唔好咁容易做到忟，咁先会令人返转头。
环境方面，舖位真系好细，加上小店用咗较大嘅位置做厨房；基本上得几张好窄嘅bar枱仔可以堂食，立食会更适合🙈。因此，一有食客食完起身，个坐位好快就会有人坐咗。小店已经够细间，但唔知系咪新开嘅关系，未执好舖，而家有ok多嘅位用咗嚟摆货，实在太浪费空间了...，加上有碍观瞻。
总括嚟讲，我认为小店无论环境、食物、服务同定价方面都有大大嘅改善空间🤭！公道啲讲，而家各方面都唔可以话系好差，但做饮食业艰难，竞争又大，要做得住，真系要谂谂方法🤔️。食物其实一定唔称得上难食，但你卖成$40-$50一份，真系要对得住个价钱。而家性价比真系较低，以前我觉得burger得个包都好唔抵，但起码有块汉堡扒食得饱。如果男仔食吐司，我估起码要食两份先够。食物系有特色，但作为招牌，应该要整得更加好食，先留得住班客，否则只会系贪新鲜感食下，一次起。题外话，听讲小店都有卖早餐，价钱平啲。我希望小店而家仍然系试业阶段，嚟紧陆陆续续会有所进步💪，下次嚟食我系可以俾笑哈哈的。
张贴
