U@Cafe (已結業)

今日同朋友嚟咗试呢间甜品店。入到去就见到一个大雪柜入面装满晒甜品蛋糕同布甸。见呢到岀名岩烧芝士吐司，当然要试下，之后再落多个开心果朱古力蛋糕，芝麻布甸同芒果布甸。岩烧芝士吐司望落已经好吸引，而且仲好香。吐司有3层，表面铺满左烧过嘅芝士同柚子酱，中间夹住肉松。当我切落去嘅时候，吐司都仲系脆嘅添，味道甜得黎带少少咸，口感外脆内软，再配上肉桂味嘅脆脆条，几特色。而个开心果朱古力蛋糕外表有好多开心果同朱古力，个人觉得朱古力唔多但都盖过左开心果嘅味道，所以食落唔太食得岀开心果嘅味道，但个蛋糕系真材实料。最后叫左2个布甸，芒果布甸就比较一般，个人觉得唔算突出，但芝麻布甸就好唔错，食落有淡淡嘅芝麻味，口感仲几Q弹。但布甸奶味都好浓，我就麻麻地。 不过整体啲甜品都几有特色。