Starry Night (已結業)

今晚要自己食晚饭，想静静地食又唔想太求其，于是就去咗大角咀呢间小店。可能因为系weekday嘅晚上，博文街虽然有唔少餐厅，但都颇为静局。七点几去到，小店无乜人，于是我随便坐低就开始拣嘢食。Set dinner有几款拣，有平有贵，丰俭由人。今晚我就拣咗香煎原只虎虾意粉，配甘笋忌廉汤。忌廉汤质感浓滑，有淡淡的甘笋味，感觉健康又好味。然后，等左一阵主菜就嚟啦。碟意粉一上枱，第一个反应系有少少失望，说好的虎虾咁细只嘅😩 不过食落口啲虾又几新鲜爽口，仲要有好多只！！另外，个龙虾汁都有惊喜，味道够浓郁，捞埋煮得口感滑溜而又软硬适中嘅意粉，同埋铺系面、溶溶地嘅芝士一齐食，成碟主菜都几满意🙂其实饮完个汤、食埋个意粉都已经好饱，不过见到有甜品食，于是又叫左个焦糖炖蛋，甜品可以放喺另一个胃的！甜品都几快就出现了。面层的焦糖即叫即烧，香脆好味，配埋质感软绵嘅炖蛋真系一个唔错的饭后甜品！不过如果个炖蛋蛋味再香浓啲就更加好啦！今餐虽然简简单单，但食得舒适又满足，下次可以同男友黎据下扒饮下酒🙂