順逆珈琲酒館

营业中

休息中

今晚六点几经过呢间小店，位置幽静自成一阁，里面只有一个客人同一个店员。坐低就嗌o左素牛排豆乳味噌汤乌冬。等o左一阵，热辣辣o既汤乌冬到啦，先饮一啖豆乳汤，有味噌同豆乳味，balance 得几好，适合喜爱味噌o既朋友。乌冬质地有水准，又滑又弹牙。自己就好少食素肉，因为觉得好假，点知原来都唔错，几有新鲜感。食完之后仲见到有 drip coffee 卖，如果有 coffee lover 都可以买啲返去试吓。巿道睇o黎好差，一间环境同食物都有水准o既小店，当我离开店舖时，里面只有店员一个人，真系可惜。趁仲有机会支持小店，就好好珍惜，因为小店唔一定可以生存得到。