博多拉麵別天神 (已結業)

放工去下旺角揾食，揾到间细细间嘅拉面店。一入去就有自助售卖机去拣野食，仲可以用八达通/信用卡比钱，好方便，我同朋友拣左2个set。先黎朋友个跟餐小龙虾蟹籽沙律，大家share食，一食就食到大大只小龙虾肉，肉质弹牙，再试埋包住紫菜食，有两种食法。朋友本身钟意食虾，所以叫左虾味噌豚骨汤面，佢话个汤好浓虾味，劲正，我都试饮左，真系唔错，佢话好钟意有咁多樱花虾，另外见到配料仲有粒粒粟米，劲多葱，溏心蛋同埋叉烧三块，肉质唔肥，但食落唔鞋。朋友觉得拉面份量偏多，细食真系会食唔晒。之后到我个豚骨汤面，见到奶白色嘅汤底，好香浓，汤挂晒上面，但又唔会太重口味，推荐呀！配上半熟蛋好入味，蛋黄半流，非常不错。而佢嘅面软硬适中，夹埋木耳一齐食好有口感。豚骨汤面set有配日式饺子，饺子皮薄，内馅好juicy，如果再煎香脆d就good 啦。一边食一边有日文歌听，冬天冻冻地食真系好幸福呀。