第一腸粉專賣店

营业中

休息中

呢间肠粉绝对系好野，耐唔时想食肠粉都会搭车去太子解馋。睇舖头名都知佢专卖肠粉，不过佢仲有其他小吃、粥同饭卖。两个人去，例牌两碟肠粉，加个萝卜糕、菜干猪骨粥同埋豆浆。我最爱叉烧肠，肠粉皮算薄，好滑，好多叉烧，加埋佢制过嘅鼓油，我一个人轻松清到一碟。个蒸萝卜糕又系另一重点，我本身唔食蒸嘅萝卜糕，家人叫过一次我食左啖之后发现系宝。佢其实唔多料，只系得萝卜同少少虾米，但佢嘅萝卜系原条切条，好有口感，而且唔会成口粉好似好实嘅质地。另外个菜干猪骨粥加鸭肾碎喺面，好有咸香，仲有旧咸猪骨，一边食一边自觉好下火。呢碟牛肉肠，睇到皮好薄好多料，家人钟意，我自己麻麻，因为有芫茜。埋单$101，又饱又好食，简简单单又一餐。