撈喜 (已結業)

男朋友带我去筲箕湾食好西，他同事介绍话好味，一于趁放假去试试！花胶炖鸡汤用料十充，有花胶、鸡肉、瘦肉、杞子等，虽然系鸡汤但一点也不油腻，啖汤好甜好好味，饮得出冇加味精！这里还有汤卷卖，好吸引！可惜我住上水，太远啦，如果唔系一定会买。花胶捞面好大件花胶！炆得刚刚好，唔太淋亦唔韧，有口感，每啖都吸收紧骨胶原咁！面质也爽口，不过个人觉得酱汁偏咸左一点。葱油炸脾捞面鸡脾大大只，炸到鸡皮脆卜卜，鸡脾肉质依然嫩滑。比起花胶捞面，我们更喜欢葱油捞面！真系好香的葱油，捞面食落亦唔会太油腻。香煎鹿儿岛牛柳粒一摆上枱已经闻到好香好香！煎到外脆内软，每啖都充满牛肉汁！配酱应该是蛋黄芥末酱？点唔点酱都好味！建议衬热食，冻左会有点韧。