新鳳凰餅店

营业中

休息中

屋企人买咗一打蛋挞返屋企，呢一间蛋挞店喺地铁站隔离，生意一直好好，有好多面包买，亦有好多包装嘅饼干，因为近住一条后巷，卫生一般，但味道唔错，我试过佢哋嘅三文治，几足料几好食。蛋挞盒包装简单，银色嘅花纹，包装唔算花巧，小小老土。蛋挞热辣辣食，真系无得输。蛋挞外型好完整，曲奇饼挞皮，挞皮有少少厚度，食落去好松化，唯一挑剔嘅地方系焗得有少少焦，觉得唔算平均蛋浆金灿灿，食落去都几滑，焗得好D焦，蛋味算突出，好彩都唔太甜。虽然焗出嚟嘅蛋挞一定冇连锁店咁靓，但支持下小店都应该。