臺茶•薈 (已結業)

日日三十几度，天气咁热，真系冇乜胃口，有时简简单单食碗面又一餐。嚟到天后，咁啱见到呢间新开嘅台式小店台茶·荟，心想一试无妨。室内布置简单清爽，又唔算特别有台式文青食肆Feel, 话设有楼上雅座，不过冇行上去参观。既然想食面，咁就叫碗招牌红烧牛肉面试吓。等咗十五分钟左右，红烧牛肉面上枱，卖相不俗。 面质柔韧有弹性，牛肉都炆得够淋够入味，几片薄薄嘅牛展就普普通通。面入面仲加咗红萝卜同白萝卜，不过D白萝卜可能炆得太耐，变得好细旧，差唔多溶。同行友人拣咗口水鸡肉燥饭，另一台式传统口味。好快上枱，口水鸡卖相吸引，不过份量少，反而显得肉燥饭嘅饭量偏多。口水鸡够嫩滑，个酱汁就唔算好麻辣。个肉燥就麻麻地，有待改善。可能系新开小店，见厨房同楼面嘅流程有D混乱。晚餐嚟讲，每人5O蚊左右(包埋嘢饮)，平过茶记，平过连锁快餐店。不过食物质素一般，食完都有D口渴，小店还须努力。