寶寶雞煲 (已搬遷) 新店位置

一排冇食就会挂住的食物，鸡煲绝对系其中一种。睇完中医，在太子到处揾食，唔经唔觉又走到一间小店前，小店主打香辛的干鸡煲，正正是我杯茶。店内装修唔算好华丽，但都颇阔落。卖点系价钱亲民，配料选择多。主角鸡煲看头十足，一上枱已经有扑鼻的辛麻香气。鸡肉好干身，入晒味，都算几正宗。美中不足的是，只鸡本身唔够厚肉，唔够滑。牛肉都几高质，系靓嘅手切牛。配料应有尽有，但当中最特别，又令我哋印象最深刻的，就系黑柏叶。记得细细个成日同屋企人打边炉都会食，但大个咗出去啲餐厅都系用已经漂白左的牛柏叶，呢款配料绝对令我哋食返小时候的味道啊！