茶屋町 (長沙灣道) (已結業)

食晏时间喺深水埗站附近，路过呢度，见到「茶屋町」呢三个字感觉亲切又有趣，因为日本有好多不同城市都有「茶屋町」，系地方名，例如大阪市有个区叫「茶屋町」、青森市、富山市等都有，更加有「茶屋町駅」；见呢间「茶屋町」餐厅细细间干净企理，咁我就决定入去开餐😆叫咗$88嘅「汁烧鳗鱼丼」，同$52嘅「茶屋混合芭菲Parfaitパフェ」，系「宇治金时」同「北海道牛奶」嘅混合体😋「汁烧鳗鱼饭」系成set上，连前菜渍萝卜同面豉汤。渍萝卜同面豉汤都几好味😋。鳗鱼系一整条，肉厚多汁，非常浓郁嘅鳗鱼味，配烧汁同日本米饭食非常美味😋「茶屋混合芭菲」大大杯卖相几靓🥰，里面有好多材料：北海道牛奶同抹茶雪糕好香好滑、抹茶脆米非常卜卜脆、红豆大大粒好味、粟米片又系脆卜卜好香口、小柑肉清甜、仲有软绵绵好似系抹茶mochi烟韧好食 ... 成杯Parfaitパフェ都好好味😋呢间小店食物非常有水准，有小惊喜😋