可可豬海南雞專門店 (寶榮大廈) (已結業)

炮台山附近其实都几多小店，好似呢间可可猪，地方真系唔算好大，得几张枱，但店舖虽小五脏俱全。呢度除咗海南鸡饭，吸引我嘅仲有滋补炖汤，例如我今日叫嘅呢个食疗拿杯汤，佢写明每周不同，今日就系雪梨桂圆鸡汤，清甜又滋润，跟餐都只系$18咋，啱晒我哋呢啲唔得闲煲汤嘅都市人。今日想试吓新野，拣咗个香辣口水鸡，连我平时唔识开辣野嘅都唔觉得佢太辣，入口惹味甘香，鸡又保持到滑嫩，都几唔错。仲有少少沙律菜半碟添。疫情期间因为成日买外卖，我都会自备饭侠，不过呢间舖头就一定要用佢哋嘅盒，唔知系咪为咗保持质素呢。