影片
更多
2017-01-07
1567 浏览
第一次惊见小强：上星期有一晚去买外卖，只在收银枱逗留了几分钟已见到有2只小强出没，冇错连收银枱都有。平日佢地面已长期黐立立，但从来冇见过有小强。再遇小强：前晚我再去，我去到坐低咗先醒返起果度有小强，但谂住算啦都坐低咗，同埋安慰自己：既然连收银枱都有小强，污糟得咁明显，佢地该会做大清洗啩。所以我冇谂咁多。食到中段，真系有只小强响我枱面出现啰～～～！😖 只小强仲向住我碟冬瓜烧肉饭行紧埋嚟。我未遇过呢个情况，真系唔知点算，叫极伙记都冇人应，好彩只小强最终冇行上我碟饭，佢 U turn 行返转头走咗落枱底。然后先至有个一眼就睇得出佢系生手嘅伙记伯伯行埋嚟（同埋平时唔见佢），我话俾佢知有小强，原来佢仲系撞聋嘅，佢吓咗几次然后我又讲咗几次佢先听到，佢听到我话有小强，佢仲六神无主过我。响呢个交流嘅过程，亦引起咗另外2个伙记嘅注意，其中一个系后生女，我估是太子女吧。另一个是大妈。佢3个望住我一个你眼望我眼无人有反应。我无奈话：咁一系你帮我转过另一张枱啦～不合格的服务态度：个大妈就帮我搬嘢过枱，佢全程黑口黑面。我估佢唔知我头先同伙记讲有小强，我咪同佢讲啰，张枱有小强呀～所以想换枱。到我去到新枱，大妈就大
上星期有一晚去买外卖，只在收银枱逗留了几分钟已见到有2只小强出没，冇错连收银枱都有。
平日佢地面已长期黐立立，但从来冇见过有小强。
再遇小强：
前晚我再去，我去到坐低咗先醒返起果度有小强，但谂住算啦都坐低咗，同埋安慰自己：既然连收银枱都有小强，污糟得咁明显，佢地该会做大清洗啩。所以我冇谂咁多。
食到中段，真系有只小强响我枱面出现啰～～～！😖 只小强仲向住我碟冬瓜烧肉饭行紧埋嚟。我未遇过呢个情况，真系唔知点算，叫极伙记都冇人应，好彩只小强最终冇行上我碟饭，佢 U turn 行返转头走咗落枱底。然后先至有个一眼就睇得出佢系生手嘅伙记伯伯行埋嚟（同埋平时唔见佢），我话俾佢知有小强，原来佢仲系撞聋嘅，佢吓咗几次然后我又讲咗几次佢先听到，佢听到我话有小强，佢仲六神无主过我。响呢个交流嘅过程，亦引起咗另外2个伙记嘅注意，其中一个系后生女，我估是太子女吧。另一个是大妈。佢3个望住我一个你眼望我眼无人有反应。我无奈话：咁一系你帮我转过另一张枱啦～
不合格的服务态度：
个大妈就帮我搬嘢过枱，佢全程黑口黑面。我估佢唔知我头先同伙记讲有小强，我咪同佢讲啰，张枱有小强呀～所以想换枱。
到我去到新枱，大妈就大大声同伙记伯伯讲佢遇过 d 食客好难招呼，俾几十蚊食个餐就当正自己系皇帝，佢重覆讲咗几次。我唔要你唔收钱咪算仁慈啰，你加送小强我系咪仲要同你讲多谢？留响度帮你洗埋碗好无？？
一路食一路听到佢讲 d 咁嘅嘢，加上谂起 d 小强…… 真系食唔落啰～即刻起身埋单走人。而家谂返，呢餐饭我唔应该俾钱添呀～
张贴