泰樂小排檔

营业中

休息中

星期五晚同朋友去左油麻地食晚饭，去左食泰国野，泰乐小排档。餐厅喺油麻地A2出口，一出转弯就见到，非常方便。餐厅细细，座位都唔少，装修简约。menu都几多样化，沙律，小食，炒面等都都有。我地叫左泰式炒金边粉(虎虾) 份量正常，金边粉较幼身，面质食落有咬口。加埋青柠汁，花生碎，芽菜，食落酸酸甜甜，清新爽口，口感觉几丰富。虎虾咬落爽口，肉质都几弹牙青咖喱 软壳蟹上碟卖相唔错，软壳蟹份量足，有两只再分半。外脆内软，保持到咬口。青咖哩重椰奶味，质感顺滑，味道带微辣，另有杂菜，豆角，椰菜花，西兰花，萝卜，粟米芯等。 建议另叫白饭，青咖喱汁𩠌饭一流。饮品叫左一杯 龙眼冰 饮落清新解腻，龙眼香甜，甜味适中，几开胃。餐厅多选择，食物质素唔错，服务都非常好。